Hrossvest.is

Samningar eru í höfn við fleiri stóðhestaeigendur.  Sólon frá Skáney verður á hústímabili,  (IS2000135815)  eða fram til 20. júní.  Sólon þarf ekki að kynna, svo oft hefur hann sést á keppnisvellinum á Vesturlandi og víðar.  Sólon hefur hlotið fyrstu verðlaun fyrir afkvæmi.   http://skaney.is/pages/kynbotahross/stodhestar/solon-fra-skaney/

Einnig er búið að ganga frá samningum við eigendur þeirra Gusts frá Gýgjarhóli ( IS2005157339 9  og Dyns frá Dísarstöðum 2. (IS2006182660)

Búið er að gera samning um Klett frá Hvammi.  Hann verður á svæðinu fyrra tímabil sumarið 2012.

Samningar við stóðheteigendur eru í fullum gangi fyrir sumarið 2012.

Nú er ljóst að þeir Eldur frá Tofunesi, Gammur frá Steinnesi, Ás frá Ármóti, Þröstur frá Hvammi Klettur frá Hvammi og Kvistur frá Sagaströnd verða á Vesturlandi.  Fleiri spennandi stóðhestar eru í burðarliðnum, þ.e. samningaumleitanir eru í gangi en ekki verður upplýst um fleiri hesta fyrr en samningar eru í höfn.

Stjórn Hrossaræktarsambands Vesturlands þakkar félagsmönnum hrossaræktardeildanna, og öðru góðu fólki, gott samstarf á árinu sem er að líða.  Megi nýtt ár verða hrossaræktendum á Vesturlandi til farsældar.

Bestu þakkir til viðskiptavina fyrir gott samstarf.

Níu frumkvöðlar Hrossaræktarsambands Vesturlands voru heiðraðir á haustfundi þess sem haldinn var á sunnudaginn,  27. nóvember, í Hótel Borgarnesi. Þetta er í fyrsta sinn sem Hrossaræktarsambandið veitir heiðursviðurkenningar, en stjórnin samþykkti nýlega að veita skyldi þeim sem skarað hafa  framúr í félags- og ræktunarmálum sambandsins gullmerki. Þótti við hæfi að heiðra þennan hóp í fyrsta sinn.

Fyrstu gullmerkjahafar Hrossaræktarsambands Vesturlands eru þau Árni Guðmundsson frá Beigalda,  Leifur Kr. Jóhannesson, Mosfellsbæ, Einar E. Gíslason, Syðra-Skörðugili, Haukur Sveinbjarnarson, Snorrastöðum, Gísli Höskuldsson, Hofsstöðum, Sigurborg Ágústa Jónsdóttir, Báreksstöðum, Ólöf Kolbrún Guðbrandsdóttir, Nýja-Bæ, Ragnar Hallsson, Hallkelsstaðahlíð og Högni Bæringsson, Stykkishólmi.  Á myndinni má sjá þau í þessari röð:

Lesa meira »

Ræktunarbú Vesturlands 2011 er Berg, en ræktendur þar eru þau Anna Dóra Markúsdóttir og Jón Bjarni Þorvarðarson. Önnur bú sem voru tilnefnd eru: Brautarholt, Skáney, Skipaskagi og Vestri-Leirárgarðar.

Á meðfylgjandi mynd má sjá þau Önnu Dóru Markúsardóttur og Jón Bjarna Þorvarðarson en þau hjónin tóku við viðurkenningu fyrir Hrossaræktarbú Vesturlands árið 2011.  Þau hjónin eiga Ugga frá Bergi sem stóð efstur í flokki 7 vetra og eldri stóðhesta á sambandssvæðinu.  Skriða frá Bergi stóð efst í flokki  5 vetra  og Brá frá Bergi í flokki 6 vetra hryssna.

Hrossaræktarsamband Vesturlands heldur árlegan haustfund sinn sunnudaginn 27. nóvember nk.
Að venju verða veitt verðlaun fyrir efstu kynbótahross í hverjum flokki og Ræktunarbú Vesturlands árið 2011 verður verðlaunað.

Á fundinum verður í fyrsta sinn veittar heiðursviðurkenningar fyrir vel unnin störf á sviði félags- eða ræktunarstarfs.

Gestir fundarins verða tveir. Guðlaugur Antonsson, hrossaræktarráðunautur Bændasamtaka Íslands, fer yfir hrossaræktina á árinu og Guðmar Auðbertsson, dýralæknir, flytur erindi um sæðingar og fósturvísaflutninga.

Fundurinn verður haldinn í Hótel Borgarnesi og hefst kl. 14.00.

HROSSVEST mun ekki halda folaldasýningu.  Er þetta ákvörðun stjórnar.  Verkefninu er vísað til deildasambandsins.  Ástæða ákvörðunarinnar er sú að farið er að halda folaldasýningar án aðkomu HROSSVEST sem er mjög eðlilegt.  Aðstaða til folaldasýninga er víða orðin góð og því hafa hestamannafélög og/eða einstaklingar staðið fyrir sýningarhaldi.  Stjórn vonar að hrossaræktardeildir svæðisins taki við verkefninu þar sem folaldasýningar eru ekki nú þegar haldnar.

Sónað verður frá Dyni frá Hvammi sunnudaginn 25. september kl. 16 í Hjarðarholti.

Sónað verður frá Þristi frá Feti sunnudaginn 25. september kl. 17 á Borgum.